趙哲妤鬼上身追打林熹瞳
玄學家司徒法正、「怪談女」林熹瞳（Rachel）及趙哲妤（Uny）昨日出席新片《怪談電影——撩鬼》記者會，司徒法正指影片前往柬埔寨、越南等地取景，發生很多怪事：「Uny驚到唔敢拍落去，好彩Rachel鼓勵佢，至可以拍埋落去。」
驚到震的Uny形容似坐過山車，好刺激但好後悔：「最難忘畀鬼上身，後尾大家話番畀我知，我變咗另一個人，係咁追打Rachel，當時我身邊紙燈籠着火，差啲燒到頭髮我都唔知，最後要司徒法正幫我解咗三次至冇事。」拍完戲，Uny又撞車又出風癩，覺得有啲嘢：「但師傅話我呢兩年有婚姻運，結到婚，呢世唔使憂。」她承認有多人追，個個條件都好，有得揀！
Rachel在森林取景時被「鬼掩眼」，無緣無故偏離大隊，幸工作人員及早發現，花了半小時找回她。對於早前被拍得與黃玉郎拖手，她解釋只是禮貌上拖一拖，擔心報道令人不敢追她：「我嫁唔出，唯佢是問！」