江若琳周柏豪搞氣氛一流

江若琳、周柏豪等歌手昨日出席校園活動，同是07年出道的兩人一見面便雞啄唔斷，台上台下均表現得老友鬼鬼，台上有學生表演時兩人更帶動全場同學齊齊拍手，大搞氣氛！江若琳受訪時，提到有女fans被騷擾一事，她回應：「有個滋事分子利用我個名騷擾我嘅fans，已經逐咗佢出歌迷會，同向佢發出最後警告，佢亦都應承咗我哋唔會再出現。」她又稱有擁抱該名女粉絲作安慰。
江若琳
江若琳

另外，近日有位「翻版周柏豪」的內地男子面試亞洲先生，柏豪笑言不覺兩人似樣：「我冇勇氣去選美，但可以着三角褲，之不過唔好叫我擺Pose！」他又力撐緋聞女友連詩雅冇整容，指見過對方素顏，還讚她化淡妝更漂亮。

江若琳與周柏豪大搞氣氛，令女學生哈哈大笑。
  • 江若琳與周柏豪大搞氣氛，令女學生哈哈大笑。