宮雪花：兩個都好硬頸
仁美自2009年重組後，曾爆出不少是非，顏子菲、宮雪花及李妮等因各種原因被踢出會或退會。對於會長黎燕珊與主席羅霖關係決裂，眾人各有意見，其中宮雪花直斥二人「當其他人無到。」
顏子菲
「之前話我畀仁美逐出會，其實冇白紙黑字，我仲係會員，有時都會幫手做活動司儀。其實我唔覺得黎燕珊好嚴厲，佢都係為我好，愛之深、恨之切！但始終同佢唔太多接觸。至於羅霖，我對佢更加唔了解，亦唔知佢同珊姐係咪不和。」
李妮
「有留意羅霖婚變新聞，我覺得呢個時間應該多啲關心羅霖，始終佢有個仔。（黎燕珊話佢影衰亞姐？）如果姍姐真係咁講，唔係好應該，因要顧及當事人感受，一個家庭好大壓力。（個會好混亂？）我冇親耳聽過佢哋不和。」
宮雪花
「黎燕珊樣樣都要爭第一同名分！企親位都要企葉家寶隔籬，羅霖就鍾意扮大家姐，兩個人都當其他人冇到。（聞說佢哋不和？）佢哋踢我出會時就好團結……兩個性格都咁硬頸，都有機會不和。我曾經提出每隔一、兩年要選過會長同主席，但羅霖同黎燕珊唔鍾意，視我為眼中釘，以我露點為由，踢我出會，仁美真係非常混亂，又唔民主，會長同主席都唔係票選嘅。」
黎淑賢（仁美副主席）
「我唔覺得羅霖影衰亞姐！黎燕珊同記者講話羅霖分咗居都仲同劉坤銘同房，我想話呢個係人哋家事，唔需要同任何人解釋。」