葉蒨文露口風唱好「剛晶」
向來熱愛拉丁舞的葉蒨文前晚出席《舞‧火花》拉丁舞台劇，她表示與拉丁舞師傅一家前來欣賞。對好友朱玲玲娶新抱，問她為「剛晶」準備了甚麼結婚禮物？她表示還未揀，繼而暗示婚禮有特別表演：「你哋仲未知做乜咩？（你會獻唱？）問佢（啟剛）啦，我會去食餐飯，（同阿Lam一齊唱？）你問佢（啟剛）啦！」
甄子丹與太太汪詩詩亦拍拖出席，子丹表示專程從海南島趕回來，冧爆說：「應承咗老婆嚟睇！」問有否和太太一起跳拉丁舞？他自爆：「之前報咗十堂，但上咗三堂就冇上，因為已經溝咗我老婆！」他表示當年在洛杉磯上舞蹈班，繼而笑說：「之後就趕住去多倫多結婚！」談到他在海南島被邀請與《鋼琴戰曲》影帝艾哲倫保迪切磋琴技，他笑說：「佢問我幾時彈琴畀佢聽，我話anytime（隨時）！」子丹坦言認識了很多朋友，感到高興：「老婆仲同安迪加西亞以西班牙話傾偈，佢問點解會有中國人識西班牙話！」
