陳偉霆詩雅咀到天光
英皇藝人陳偉霆（William）及詩雅在新片《紮職》中，繼《前度》後再演情侶，二人即使在環境狀況欠佳的後巷，拍攝大膽激情熱吻戲，一樣能夠彼此照應，默契十足，William說：「場戲喺後巷拍，嗰度又濕又污糟，劇情仲要講我抱起詩雅放喺木箱上再親熱，我怕詩雅喺木箱上唔穩陣，所以又要顧住扶住佢，又要好投入咁錫佢，的確有難度。為咗配合唔同拍攝角度，我哋咀足幾粒鐘，幾乎天黑咀到天光，真係好攰，所以唔好以為有得拍咀戲就有福，好多時辛苦過拍打戲。」
唔覺尷尬
而詩雅亦苦笑說：「雖然工作人員已經好好，放咗好多軟墊喺木箱上面，但呢場咀戲講我要被William壓埋牆咀，而且拍咗好長時間，背脊受罪！（拍激情咀戲尷尬？）唔會，我同William好熟，佢份人又鍾意搞gag，氣氛唔會太緊張，我哋仲會一齊研究點樣喺鏡頭前咀至更完美。」
文：影視組
