何傲兒緋聞男友被指溝女王

無綫小花何傲兒日前被本報拍得夜蒲中環，與新歡「翻版祖藍」Wilson在夜店甜蜜談情，Wilson又熱情搭住何傲兒香肩，似是宣示主權，當被記者發現後，二人雙雙從後門離開。不過昨日有讀者爆料，踢爆Wilson實情是溝女王一名，本身亦有一名女友，與何傲兒夜蒲後翌日，還被目睹與正印女友夜蒲後返陽明山莊。
前晚何傲兒欣賞w-inds演唱會，表示會natural high。
前晚何傲兒欣賞w-inds演唱會，表示會natural high。

昨日何傲兒接受本報訪問時，卻否認墮愛河，她謂：「佢係叫Wilson，不過唔係我男朋友，嗰晚我係去一個朋友嘅生日會，期間有見到佢，我哋冇拖手，係朋友，佢係咁埋嚟問我《雷霆掃毒》劇情，（知唔知佢有女友？）唔知，冇問過，平時我對男性朋友有避忌，（佢追你？）我感覺唔到，識咗半年冇諗過發展。」而何傲兒前晚就專程欣賞日本組合w-inds演唱會，身旁卻未見緋聞男友，她謂：「入場應該會natural high，我係嚟學嘢啫！」

雖然何傲兒不認拍拖，但當晚Wilson在夜店的確搭住何傲兒膊頭。
  • 雖然何傲兒不認拍拖，但當晚Wilson在夜店的確搭住何傲兒膊頭。