薛凱琪爆後台春光力保三點

本地設計師何國鉦（Dorian）為上海時裝周打頭陣，行揭幕騷，為隆重其事，特別邀請薛凱琪（Fiona）、江若琳、陳嘉桓（Rose）等行騷。Dorian表示今年上海時裝周十周年，很榮幸行揭幕騷，他說：「今次啲衫係我條新Line Doll，比較啱年輕嘅女仔，但要搵有知名度及年輕嘅女仔行騷唔容易，最後搵到呢三位宅男女神，佢哋都好幫手，推咗唔少工作幫我行。」

踏入三字頭依然有青春

時裝騷上江若琳打頭陣，Fiona行壓軸，Fiona着上鑲有過千顆水晶的晚裝長裙，出場時不慎屈一屈，幸沒有仆倒，事後她說：「都係因我攰，之前一晚通宵錄音，第日上機就去行騷。（有冇push up胸部？）冇，如果要搵上圍好，唔使搵我，我都冇睇頭，而且太大唔啱我。佢哋想搵後生啲嘅行騷，我雖踏入三字頭，仲後生有青春。」Fiona謂後台春光無限，不少模特兒光着身子換衫，而她好彩有一間房，笑言：「三點力保到。」會否驚與汪若琳及Rose比較？她說：「唔驚，各有特色，我哋三個行完喺後台仲不停玩自拍。」而Rose去年亦有幫Dorian擔任模特兒，她說：「上年我行得唔好，今次大家讚進步好大，仲畀9分我，真係好開心。」

陳嘉恒（前）行騷有進步，開心獲９分。	何國鉦請來陳嘉恒（左）、江若琳（右二）及薛凱琪行騷。	安以軒（右）與姚晨捧「婚紗女王」場。（中新社圖片）

安以軒先揀婚紗再揀人

另外，「婚紗女王」美國華籍設計師Vera Wang亦有參加今次上海時裝騷，還是她首次的亞洲個人騷，吸引了不少女星如姚晨、安以軒、賈靜雯等捧場，安以軒表示十分欣賞Vera Wang的婚紗，笑言：「今日要先訂了婚紗，然後再選哪個人能讓我穿上婚紗。」

文：名人組