高海寧反屈媽咪患失憶
富豪趙世曾以五億招婿，試圖「拗直」同性戀女兒趙式芝，這則本地娛樂新聞竟登上國際頭條！若你就是當事人，面對父母逼相睇甚至逼婚，又該如何面對？
無綫咪神高海寧反逼媽咪患失憶，宅男女神岑麗香會以哥哥未婚作為擋箭牌，而警鐘胸女模Jessica C.最誇張，實行以死要脅！
Bond 50展覽
高海寧：我想當阿媽失憶，同佢講：「我結咗婚你唔記得咩，仲要我結婚，你都有去飲喎。」
日模松岡李那：同阿媽講太多男仔揀，所以未揀到。
韓模蔡恩真：我會同父母講：「吓！你係咪想我離婚？因為我結婚嘅話會離婚。」
《微電影開鏡》
楊汀叮：我屋企人其實都幾傳統，好想我快啲結婚生仔。不過我會同佢哋講「冇錢結婚呀！等事業有成先啦，而且我自己都仲係大細路，未準備好結婚。」
《Parfums Christian Dior活動》
Jessica C：如果佢哋安排我同一個唔鍾意嘅男仔結婚，我會同佢哋講「我冇咗我男友會生存唔到，如果佢哋想我開心，就唔好逼我。」
《時裝騷》
陳柏熹：爹哋媽咪當年19歲就結婚，前年我畢業返香港到依家，每兩三個月就會催我結婚一次，不過我都係得25歲，未有諗住，每次佢哋催我就話：「得o架啦！等我賺到錢，夠錢養老婆，養下一代先。」不過媽咪聽完都係話好想飲新抱茶和抱孫。
《護膚品牌活動》
楊采妮：我會同父母講「如果你想我開心，就畀我自己決定啦。」不過真實情況係我屋企人係一定唔會逼婚嘅，因為我係屋企嘅獨生女，佢哋又好民主，一向都好跟隨我嘅意見。
姚書軼：我會同屋企人講「好啦、好啦」，但我會跟番自己嘅步伐去生活，一路拖延住佢哋。
岑麗香：我會同佢哋講：「依家專心喺事業上拚搏先！」同埋我會將個波推落哥哥度，同佢哋講：「等哥哥結咗婚先，之後先到我。」