楊崢行騷誤中機關着無影鞋
名模楊崢表示入行至今瘀事一籮籮，行錯貓步已不足為奇，最經典瘀事是在T字舞台上以無影鞋返回後台。
楊崢說：「大約1995年我當選超級模特兒，之後工作接踵而來，其實我當選前未正式接受過模特兒訓練，亦未行過騷，只係當兼職模特兒影靚相。我記得當時一出場就發台瘟，個腦一片空白，行錯晒之餘，個台又布滿機關，我行到一半，高踭鞋嘅踭攝住咗喺個機關，我企定定係咁搖隻腳，以為自己着住拖尾晚裝裙會冇人睇到，最後都係搖唔甩隻高踭鞋，我惟有扮着住無影鞋返回後台。」
她續說：「隨後嘅模特兒出場，佢烏低身幫我『拔』番隻鞋出嚟，然後拋到台下，當搞氣氛！」她又稱當年琦琦也在場，回想此事，笑言瘀到爆：「有時諗番起都忍唔住笑出嚟！」