孫耀威前晚出席新碟試聽會，吸引過百歌迷支持，期間老孫與男女歌迷在床上合照。他透露家中的床是king size：「要同3隻貓瞓，佢哋好激情，會捐入大髀取暖，搞到我好痕。」問到女友陳美詩是否如貓般要捐大髀？他尷尬說：「冇，邊有咁搞笑！」老孫又稱當年在內地拍劇時曾遭女子主動埋身。問有否偷食？他說：「舊時會動心，人大咗覺得冇太大影響，最多都係望吓。」
