陳偉霆粉瘤被嘲似「咖喱雞」

歌手陳偉霆（William）昨日與一眾英皇歌手出席新城活動，見其右頸貼上膠布，問到是否「咖喱雞」（吻痕）？他即笑說：「邊有個嘴咁細？其實係粉瘤，已經有咗成年，不過之前請唔到假，最近先做小手術。（女友蔡卓妍唔覺意錫到？）冇呀冇呀，唔講喇。」
陳偉霆右頸貼上膠布。
陳偉霆右頸貼上膠布。

William表示要為其擔正電影《紮職》落力宣傳：「可能因為有暴力場面，同埋入會儀式比較敏感，所以變咗三級片；加上可能香港最近有江湖是非，所以宣傳都遇到阻滯。」William又謂有未成年歌迷投訴未能入場觀賞，又笑言欲邀請「猛人」捧場。

（左起）英皇歌手羅力威、陳偉霆、泳兒、洪卓立及洪杰昨出席新城活動。
  • （左起）英皇歌手羅力威、陳偉霆、泳兒、洪卓立及洪杰昨出席新城活動。