連詩雅下巴尖尖激似娃娃

最近不少女星流行V煞面，繼前日本報踢爆模媽陳靜儀（Mia）疑似整容變女神後，連詩雅亦被發現驚變「V面族」。據知她月前曾到日本拍攝MV，昨日與緋聞男友周柏豪出席新城音樂活動時，Shiga驚現瓜子臉，雙頰位置下凹，下巴尖尖！加上厚粉兼塗了紅胭脂，當她拍照Chok樣時，激似倒三角娃娃公仔。

否認整容賴肚屙

對於被記者直指「變臉」，Shiga斬釘截鐵強調冇整容，並解釋：「最近我肚屙，瘦咗3、4磅，以前我真係包包面同水腫，可能病咗、瘦咗，加上轉咗新髮型，搞到面形都變咗！」她更坦言有粉絲在網上指她「唔同咗樣」，問她會否抗拒整容？她說：「唔抗拒人哋整，我都想靚啲，但自己太怕痛，平時喺手打針都喊晒，何況打喺面度？我寧願靠化妝！」

2012年4月

連詩雅與周柏豪（前排右）孖住唱K，炒熱氣氛。

周柏豪自幽一默

同場的周柏豪被問到在巴黎與女粉絲合照後，被女粉絲反指他吹噓受歡迎一事，他無奈稱是粉絲主動要求合照：「我冇主動搵佢哋合照，當日喺巴黎一路有拍Video，我同咗唔少人合照過，但如果件事令到當事人難受，我惟有講唔好意思！」他又自嘲：「我每次影相都出事，但我唔會放棄！」

文：音樂組　

攝：唐豁莊