呂慧儀性感老公驚走光
「長腳蟹」呂慧儀昨日以低胸黑色連身裙出席「鬼『氣』沖天面具派對」活動，問老公會否介意她經常性感示人？她說：「冇，佢慣咗啦！反而佢會擔心我有冇走光。不過佢自己都全裸啦！游水、做運動嗰陣。（佢裸泳？）差啲啦，差條泳褲啫！」她透露正忙拍歷史故事綜藝節目，並會扮慈禧，她笑言可向公司借古裝兼化白臉妝出席萬聖節活動。記者取笑她老公不能扮演太監，呂慧儀說：「佢會做攝影師。（如果重酬請你兩公婆出活動呢？）有錢就得，叫我老公做公公都仲得！」
同場的蒙面歌手龍小菌笑稱其裝束由盂蘭節等到現在，故萬聖節不會「換面」，並自爆曾到鬼屋玩被嚇到嘔。