JJ酒吧吹波波誘狼(目及)胸

JJ和陳僖儀前晚出席酒吧周年派對時，除即場獻唱外，更親手調酒，JJ調酒搖杯時，酒客們紛紛興奮大嗌：「大力啲，大力啲。」十分意淫。

信任樊少皇

二人與現場男酒客大玩吹乒乓波， 身穿米色低胸裙的JJ在俯身時露出長長事業線，令原本已high爆的酒客，更加忘形，除舉機狂影外，亦不斷大嗌：「JJ，我愛你！」而在旁的Sita亦慘被酒客借影相為名，搭膊抽水，但因地方淺窄及太多人的關係，Sita惟有陪笑硬食。

JJ表示已有兩、三年沒在香港唱酒吧騷：「男朋友（樊少皇）都知我接呢個騷。（叫你唔好咁性感？）就算佢唔叫，我都唔會性感。（有過兩招你傍身？）唔使啦，自己之前都有學過功夫，師傅教最好嘅方法係快啲走。」

JJ對於男友樊少皇日前返港陪歎蟹粥相當受落。

陳僖儀首次做酒吧騷，膽戰心驚。

提到男友日前返港跟她食粥撐枱腳，JJ表示男友現已返回青島工作：「佢咁啱有兩日假，所以返嚟一日陪我。（佢同舊愛攤牌？）我唔理亦都唔管，件事都過咗咁多年，我對佢好信任，而佢都係值得我信任嘅人。」對於與錢國偉的緋聞，JJ則表示看完得啖笑：「好好笑囉，我直情冇搵過佢。」

Sita一杯即冧

第一次做酒吧騷的Sita自爆酒量差，一飲就會睡覺，之前亦曾試過在生日派對上被朋友灌醉至嘔，所以平時不會蒲吧，她亦表示希望認識一個酒量好的男友，可以保護自己。

文：影視組