楊怡發癲鍊死李綺雯
楊怡、黃智賢前晚為無綫新劇《仁心解碼2》於深水埗拍外景，演精神分裂者的楊怡要「鍊」死李綺雯，但遭上司男友黃智賢發現，被槍指嚇而狂奔。之前楊怡腳傷，拍跑戲時要頂硬上。對於緋聞男友羅仲謙被指有內地富貴女友？她笑謂：「炒作嘢啫。（信佢？）唔需要講信同唔信，今個月係『炒作月』，當幫我哋宣傳。」
前後演過8次差人的黃智賢，笑言由PC做到警司但未覺悶。他有份演出的《雷霆掃毒》被爆結局？他說：「報道唔係全部正確，只係苗僑偉、徐子珊嘅死同我有關。」上年奪得台慶男配角的他，今年有否信心再奪獎？他說：「獎冇嫌多，好似甜品咁，不過其實我已經好飽！」
