Jeana自製守宮砂做一日處女

o靚模Jeana、張暖雅、郭穎兒（Celia K.）等前晚在中環出席電影《一路向西》票房報捷慶功宴，張暖雅就以一貫性感形象，身穿豹紋短裙大騷4吋事業線，Celia就露背現身，期間更搞笑趴牆做「影后」，趁機搶鏡。

反對婚前性行為

相反，以前勁搏的Jeana，近期變得「密實」，不過出名敢言的Jeana輸「線」不輸口，繼續寸嘴本色，前晚更在左手自製守宮砂，暗寸日前自爆仍是處女的前港姐王君馨，她寸爆謂：「我今日露『點』呀！呢排興處女，我特登去鴨寮街搵師傅幫我點咗粒守宮砂，證明咗我都係處女，反對婚前性行為，今日！（咁其他日子就支持？）今日反對，其他日子就支持！」

張暖雅以一貫的爆乳裝示人。	一眾演員出席新片慶功宴，氣氛高漲。	緋聞男女張建聲與穿上露背裝的Celia K.親密合照。

葉熙祺自認受傷

同場更有房祖名緋聞女友葉熙祺到場宣傳新片《天生愛情狂》，早前有報道指二人閃婚，葉熙祺更高調承認戀情，卻遭房祖名直斥她博出位否定其女友地位。前晚問到二人的關係時，她欲言又止：「我都好想知邊個講大話！我係受害者！冇諗過講事實會惹到人咁嬲！依家唔敢再講啦！」

文：影視組