任達華氹個女搵Kelly合照
任達華於記者會中遇上電影《美國隊長》男主角Chris Evans影星女友Minka Kelly，因女兒喜愛Kelly，愛女心切的他即化身小fans等影合照，他說：「我個女鍾意睇佢，所以想影張合照畀個女睇。」
以高球裝示人的Kelly現身不夠十秒，便被經理人示意離開，事後又折返，有關方面解釋低估了現場記者人數，Kelly需要問大會協調對話內容，Kelly說：「啱啱打完18個洞，成世人冇打過咁多高球，希望繼續學。我係第一次來中國，感覺大家好親切，好歡迎我。（想同邊個中國明星合作？）我未做research喎！我識成龍。（想拍功夫片？）非常enjoy，我喜歡打，之前為拍劇有學功夫。」