高海寧谷咪邦女郎獻身劉青雲
被喻為無綫新咪神的高海寧，昨日與呂慧儀、韓模蔡恩真及日模松岡李那三位好身材之人同場較量，四人均以低胸裙上陣化身性感邦女郎，高海寧的晚裝明顯偏細不合身，把其豐滿上圍谷得更勁，成功KO眾女。
昨日高海寧（高Ling）、呂慧儀、蔡恩真、松岡李那聯同吳嘉龍出席商場活動，五人分別打扮成邦女郎及占士邦，並揸槍大擺型仔甫士，四女均以低胸裙示人，除了松岡較為失色外，其餘三人都大騷事業線，當中以高Ling最為性感，巨咪逼爆晚裝。
自認外表合條件
問到高Ling其晚裝是否不合身時？她否認說：「啱身o架！（着到好窄？）因為揀裙時好趕時間，想搵一件最合主題嘅裙，要性感又高貴。（知道同場其他人嘅身材都好勁，所以要性感搶鏡？）冇刻意去諗其他人着乜，大會只係要求我着長裙。（身材勁過其他人？）唔係，個個都好身材，各有各靚。」高Ling認為邦女郎要性感，又要聰明有頭腦，她認為自己外表符合，揚言「恨」做邦女郎，問到心目中的占士邦人選時？她即說：「劉青雲，因為占士邦頭腦好重要，我覺得青雲做任何角色都做得好好，佢係dream man。」
呂慧儀唔想生住
另外，呂慧儀甫到場即主動說：「我未有喜。（三個月可以講？）未，係冇呀！（你有問題？）我同老公嘅時間表有問題，佢想快啲生仔，我就想搵多啲錢先。」她續說要修身以免被誤會有喜：「但我唔想縮胸，因為太瘦就會縮胸，縮胸身形唔靚，我覺得依家自己夠用，唔會太大又唔會太細。」她笑言之前在記者面前大爆母親催她生仔，現在母親已不敢再催，又指最近老公經常出埠工作，問到會否擔心對方曳曳時？她信心十足地說：「唔會，因為有狗仔隊監察，佢唔會越軌。」
文：名人組