祥仔街市募捐測試民意
無綫兩屆視帝黎耀祥（祥仔）昨日到荃灣楊屋道街市為仁濟活動募捐，見他大受街坊歡迎，街市檔主除爭相與他合照外，更送了兩條大魚給他。問他平時可有去街市？他說：「放假都會去，但今日係籌款所以街坊特別熱情，平日都好低調。（咁受歡迎有冇為公投視帝打強心針？）見街坊咁鍾意自己信心都大咗，做多啲呢啲活動探測民意都好，但自己唔會專登去拉票。」
祥仔表示有留意林峯於《雷霆掃毒》中表現，並大讚他靚仔兼形象突出，由於每個對手都是勁敵，他說：「因為係一人一票，所以都唔知結果係點，但咁樣可以吸引觀眾留意都係好事。（你fans層面廣有冇優勢？）唔知票源分布，各有優勢。」此外他稱不怕「down server」事件重演，稱是次公投有充足時間給市民投票，加上已有經驗，應該沒問題。