城城認後生自我摧殘

郭富城、錢嘉樂和林家棟昨日出席「香港亞洲電影節2012」記者會，宣布主演的電影《寒戰》成為開幕電影，該片亦被選為本屆台灣金馬影展的特別放映影片。本月26日生日的城城透露屆時會身在香港，問到如何慶祝？他說：「冇乜所謂，年年都咁過，愈來愈細個又後生，都唔知點算，惟有整殘自己。（你陪熊黛林過生日喎！）花邊新聞啫。」對於經理人小美在微博的「垃圾論」被指影射熊黛林，城城說：「唔好再喺件事度兜圈，唔好對號入座，佢係為工作上宣洩情緒。（安撫熊黛林？）唔使，安撫我啦。（左右做人難？）咁複雜嘅？睇電影啦。」