黎淑賢望好姊妹振作

跟羅霖同是亞姐出身，同樣身兼仁美清叙副主席的黎淑賢，近日亦盛傳第二段婚姻觸礁，與丈夫分居。對於好姊妹羅霖分居，黎淑賢接受電話訪問時承認知道此事，她說：「唉！家家有本難唸的經，我希望佢可以振作同加油。」她坦言平日都會跟羅霖傾心事，大家互相鼓勵同支持，由於知道對方為家事煩惱，故亦不敢打擾對方，提到羅霖與劉坤銘日前一同亮相時都不覺有異樣，她感慨的說：「有啲嘢唔可以就咁睇表面，兩公婆先會知，但咁多年感情，梗係會覺得好可惜。」
黎淑賢坦言早知道好姊妹羅霖分居一事。
黎淑賢坦言早知道好姊妹羅霖分居一事。

至於曾與羅霖合作的李彩華，聽到消息後感到愕然，並反問：「係咪真o架？點解會咁？求證咗未？我冇聽過呢個消息。」她表示自從二人沒有合作後，便再沒有聯絡。問到會否覺得女性同時兼顧事業和愛情較困難，她說：「都有咁嘅可能，我都係一個例子，感情方面不太順暢。不過原因要當事人先係最清楚，我會為佢哋祈禱，父母分開對小朋友日後成長唔多唔少都有影響。」

李彩華聞得羅霖分居甚感愕然。
  • 李彩華聞得羅霖分居甚感愕然。