泳兒頭啖湯男粉絲爭飲
今日是歌手泳兒生日，她提前與粉絲慶祝，之前她費盡心思搞生日會，親自挑選遊戲獎品，親自煲花膠海底椰湯作為禮品，最後更親手餵湯給粉絲品嘗，氹到一班男粉絲「暈晒大浪」，個個笑着搶住飲「頭啖湯」，場面搞笑。她笑說：「我秘密苦練廚藝，先煲到一手好湯，（男友試過你手勢？）我冇為男友下過廚，第一次煲湯就送咗畀粉絲，男友唔會呷醋。」
當泳兒看到粉絲送上一張張慈善收據作為她的生日禮物時，她感動地說：「我都入行七年，粉絲同我一齊成長，都大個仔大個女，大家有能力希望一齊做多啲慈善活動，佢哋真係好有我心，我只係講過一次就記得，每年能夠同佢哋切生日蛋糕好開心，唔使禮物o架啦。」