周海媚回巢無綫唔睇錢
受到挖角潮影響無綫近期鬧小生、花旦荒，故積極招攬舊將回巢助陣，最新一位要數周海媚（海味），她昨日返到將軍澳電視城為節目巡禮劇集試造型，但海味透露她還未與無綫動筆簽約，合約還在洽談條件。劇集將於十二月開拍，故海味還有時間與無綫「講數」。
近年轉戰內地發展的演員周海媚（海味）回巢無綫拍劇，她昨日返到將軍澳電視城為無綫節目巡禮劇集《神槍狙擊2013》試造型。海味最後一套為無綫拍攝的已是數年前的劇集《蔡鍔與小鳳仙》，問到海味今次無綫用甚麼條件打動她？她說：「其實TVB每年都有搵我拍劇，今次古仔好好，合作又係老拍檔張兆輝、謝天華，大家都好熟，同埋又係時裝，古裝就唔好喇。」那麼感情戲上會否與謝天華繼《學警狙擊》後再續前緣？海味說：「唔會，今次感情戲同張兆輝。」
兩年冇經理人
海味透露劇集《神槍狙擊2013》將於十二月開工，近日將拍攝節目巡禮片段，不過原來她現時還未動筆與無綫簽部頭約，她說：「同無綫合約仲傾緊，仲未簽名，唔係錢問題，係其他條件仲傾緊，交咗畀經理人去傾。」
面對本地城市電訊及內地製作公司挖角潮，近期鬧小生花旦荒的無綫也積極招攬舊將回巢助陣，問海味無綫可曾接洽過她簽經理人合約？海味說：「講真係傾過，但係我鍾意多啲空間，同埋簽TVB都係香港拍劇為主，大陸相對少啲，自己呢兩年都冇經理人係自己去傾約，都係最近先簽咗星美。」
採訪：影視組
攝影：鄭家俊