徐子珊激演輪姦戲 問鼎視后

每年台慶頒獎禮均是小生花旦派發成績表的大日子，雖然尚有兩個月時間，就連入圍名單亦未公布，但不少藝人已暗地裏發功為攞獎鋪路。去年楊怡於《On Call 36小時》角色受好評，有指她乃內定今屆視后，不過早前她與羅仲謙負面新聞不絕，形象插水，封視后未必有望。

拍攝情緒起伏大

相反子珊於播映中的新劇《雷霆掃毒》反應不俗，飾演踩界線人的她被讚演技進步。雖然劇集尚未播完，但已被吹捧有望封視后。而子珊稍後被輪姦及與黃智賢吸毒上床的劇照率先曝光，為配合毒后角色，子珊不惜放下港姐形象以殘樣示人，輪姦戲份更七情上面。

身心受創 劇情講述徐子珊遭掌摑暈倒地上。

七情上面 之後李家鼎替徐子珊打毒針，然後找人輪姦她。

子珊憶述該場輪姦戲時，不諱言拍攝中途才獲悉：「我當時心諗角色有冇咁慘呀？不過拍嗰時都好好笑，因為要交代畀人輪姦過程，電視尺度亦有限，所以劇組叫個女工作人員不斷喺鏡頭下拉我隻腳，搞到大家忍笑忍好耐。」她坦言拍攝時情緒波幅很大，不想跟人談話，收工後亦不想接電話。

點到即止 電視畫面尺度有限，徐子珊被除衫便沒有「下文」。

徐子珊放下形象演際遇坎坷的「毒后」，結果被外界激讚演技有突破。

沒加插不安鏡頭

提到被指為問鼎視后之作，子珊笑謂：「我都聽到好多正面聲音，壓力好大，我會盡量控制情緒。（有傳楊怡夾埋羅仲謙阻你攞視后。）唔信阿怡係咁嘅人，呢啲報道年年都有。」《雷》劇監製林志華亦力撐子珊：「拍嗰時我覺得佢有啲抽離唔到，成日唔講嘢。（有信心佢封視后？）三個月前已經同佢講一定投佢票。」提到輪姦戲份交代含蓄，監製指子珊的表情已表現出痛楚程度，故毋須加插令觀眾不安的鏡頭。

此外，該劇上周收視平均31點，較上周升2點，通訊事務管理局於過去一星期收到5宗投訴，指劇情與事實不符及意識不良。而黎芷珊主持的節目《最佳男主角》，通訊事務管理局則有4宗投訴，指內容不尊重藝人，無綫則收3宗投訴。而查小欣的《爆足一周》單於無綫便收到投訴11宗，指主持只集中報道娛樂新聞，略嫌沉悶。

文：影視組