林德信沙麗「母子檔」好尷尬
林子祥兒子林德信（Alex）前晚宣傳微電影《偶然．初夏》，獲有份客串的關楚耀現身力撐。Alex在台上分享拍攝處男微電影的難忘事：「有次要拍日出，結果嗰晚冇瞓過，後尾同女主角一齊睇日出覺得好靚好浪漫。導演又拍得好靚，同關楚耀、孫耀威佢哋一齊拍覺得好好玩。」他又透露導演覺得他和關楚耀好夾，故為兩人添食拍多一集。
至於Alex邀得葉倩文（沙麗）客串一角，他表示拍攝過程有少許尷尬：「本身係爹哋做，點知佢唔得閒就搵沙麗幫手，雖然我哋好似平時咁傾偈，不過佢廿幾年冇拍戲，加上現場打燈同開機拍緊，所以我哋都有啲緊張。」