Vienna叫床哂胸救亞視
由藝人董敏莉主持的亞視外判節目《娛樂CIA》，自在亞視播出以來，曾被錄得「零收視」，為求殺出血路，亞視找來擅長叫床、呻吟而躍升為網絡紅人的性女Vienna（連綺嵐）擔任娛樂新聞主播，一改以往主播正統形象。新接手的監製鄧特希日前安排Vienna與另一位主播王志安（Otto）為新改革的《CIA》試廠，但當日卻見Vienna穿上開胸恤衫，以爆乳噴血OL look上陣，並分別以正常及呻吟語調讀稿，但以正常聲線報道娛樂新聞的Vienna明顯不在狀態，頻頻ＮＧ，但當改以呻吟聲讀出一則影評時，她即「叫神歸位」，半秒上力，邊呻吟更邊送上自摸頸胸一條龍，表現流暢自然，一take過完成，與之前判若兩人。
太緊張自評30分
Vienna「表演」完畢後，她說：「之前有少少緊張，未試過壓低把聲，又唔可以咁姣，自評30分，（你呻吟聲即刻上力？）用番自己把聲梗易，我把聲，男人就有反應啫，好多女人聽到想打我！我想喺呢行有長遠發展，要搵個平衡。（冇主播係你呢種衣着造型？）都冇主播好似我咁講嘢！衣着造型我冇所謂，本身鍾意露吓胸，冇咁熱嘛！」
至於監製鄧特希則表示《CIA》是合家歡時段播出，不會有成人元素，他說：「Vienna背景我唔太了解，之前試鏡時佢條件稱職所以用佢，（性感影響主播形象？）唔會，點解唔話我發掘緊佢其他優點？以前狄娜都主持過影評節目，一位艷星都可以咁成功啦！（會叫床讀稿？）工作人員拍嚟做參考啫！」
文：影視組