林峯撐葉璇：佢心直口快
葉璇被指得罪人多稱呼人少，好拍檔林峯隨即為她大講好話，直指製作人不易當，可能是葉璇心直口快所累。他又漏口風將成立公司做老闆，稍後借演唱會推出相關產品「試溫」。
林峯忙於內地與葉璇拍劇，前日請假返港演出慈善節目，同場還有張智霖（Chi Lam）、黃宗澤、陳松伶及江若琳等。提到近日有報道指葉璇遭內地幕後於微博內留言謾罵，阿峯聞言即一臉愕然地說：「佢對演員好好喎！可能佢份人心直口快，況且兼任埋幕後工作，好辛苦。（學葉璇成立製作公司？）我諗要退出幕前之後先得，不過最近我同朋友搞緊啲生意，趁演唱會推出啲products，會同美國大品牌玩crossover。」
張智霖默認約滿
Chi Lam被指已約滿Neway，但未獲二少薛嘉麟挽留，他回應時默認約滿：「Neway係間好公司，依家諗緊可以有咩方法繼續合作。不過我最近忙拍劇，要等完咗先可以搞其他。其實我同Neway都錄好咗隻唱片，稍後一定會出。」前晚他演出時，亦有Neway員工全程傍實，可見關係不錯。提到早前與PA發生不愉快事件，Chi Lam淡然謂：「唔提都唔記得嘞，佢哋開咗幾次會想解決問題，好有誠意。」
久違了的陳松伶前晚與Chi Lam敍舊時禁不住擁抱，她自嘲太胖，揚言要「日減一磅」，以配合稍後的唱片宣傳：「起碼減20磅，但老公投訴冇揸手，指麒麟臂呀！（返無綫拍劇？）有好劇本都想。」另外，江若琳剛推出新唱片，得知有唱片舖賣到缺貨，令她開心不已。
文：影視組