周柏豪讚情侶鎖浪漫
歌手周柏豪早前到巴黎為服裝品牌拍攝宣傳照，型爆的柏豪穿上皮褸在街頭四圍chok甫士，他又笑說其父穿皮褸的造型很有趣：「爸爸有着皮褸，不過因為嗰個年代嘅皮褸比較大件，而且好重，所以爸爸每次着住行路都左搖右擺，好搞笑！」在拍攝期間，不少女粉絲從遠處認得柏豪，紛紛直奔上前要求合照，友善的柏豪亦大方任影。
另外，當柏豪走到塞納河上的戀人橋時，就讚嘆道：「橋上面有成二千幾個情侶鎖，上面刻住一對對戀人嘅名，真係好浪漫。」工作人員就反問柏豪何時帶女友前來上鎖？他就坦言：「咁遠嘅事，有機會先算啦！」