孫佳君與英皇簽下3年合約，已為全面復出作好準備，更客串了吳彥祖監製新片《控城計》，作為復出頭炮，她說：「咁耐冇拍戲，最唔慣係要早起身，其他冇咩唔習慣。」狀態大勇的她更一如以往，頻頻睇西片從中吸取演技：「我鍾意睇外語電影，法國電影、意大利電影、西班牙電影都鍾意，只要演得好我都會欣賞。荷里活片都有睇，鍾意梅麗史翠普、彭妮露告絲、茱迪丹茲，佢哋除咗演技好，共通點係能夠令觀眾相信佢哋就係所演嘅角色，完全唔似做戲，佢哋就係個角色本身。」