歌手吳雨霏（Kary）昨日為亞視《ATV亞洲星光大道5跳舞吧！》冠軍戰擔任表演嘉賓，Kary勉勵參賽者要抱不服輸精神，為將來累積更多經驗。
Kary透露飽受膝傷之苦，更笑言變了阿婆：「膝頭哥勞損，上落樓梯都覺得痛，醫生叫我唔好着高跟鞋，甚至唔好行添，但呢行係愈操勞愈好，早前演唱會都係食止痛藥頂住，我都擔心唔知可以頂幾耐，（停工休息？）唔得呀，嚟緊keep住都有工作，惟有工作期間盡量休息，叫媽咪煲多啲湯水進補，要開始學識保健同錫身。」
