汪詩詩愛心網購發圍

明星如果搞網購，最想賣甚麼，均離不開扮靚的服裝、手袋或飾物，而善心爆棚的甄子丹與太太汪詩詩已落實在網上賣親自設計的手機殼，子丹更計劃賣二手衫做善事。

周汶錡：「賣我煮嘅食物，客人喺網上即點即煮，要十隻水餃？OK，即煮！」	李美鳳：「我鍾意fashion，會想賣布袋，可以畀客人自己設計，又好玩又可以發揮小宇宙去D.I.Y.。」	《慈善攝影展》 吳千語：「我會自己設計啲衫、鞋放出嚟賣，不過好可惜我唔識畫畫，要搵設計師幫我畫出嚟。」
《Parker活動》 楊汀叮：「我會賣啲自製嘅狗仔衫，將BB衫改裝，再加珠仔、皮、珠片嚟粉飾狗帶，襯番唔同狗仔。」	《屈臣氏健康美麗大賞》 陳細潔：「如果做網購生意，我會揀賣電話，因為我成日換電話，將舊電話賣出去環保又可以賺錢。」 陳小寶：「我會喺各地搜羅特別精品做網購，之前去唔同地方旅行，發掘咗好多得意嘢。」	《手錶活動》 楊柳青：「我會賣手袋、衫，其實我間時裝店都係由網上做起，網上生意都係貨真價實，話畀人知唔一定要着名牌先靚。」
趙哲妤：「我想賣蛋糕，開麵包舖係我夢想，我覺得會賺到錢，因為好多人都似我咁為食。」