Jeana柏拖唔使搏封胸讓露
o靚模何佩瑜（Jeana）前晚與模媽陳靜儀（Mia）、張暖雅、王璐瑤、仙樂都、白雲等一眾性感o靚模出席活動，其中以Mia及有「D Cup馨予」之稱的張暖雅最搏，以低胸裙谷胸上陣，大騷事業線，仙樂都亦不輸蝕，身穿超迷你短裙的她坐下時露出黑色底褲搶鏡。
相反Jeana封胸現身，雖然性感程度不及其他模，不過，她與男友、張栢芝弟弟張柏文全程糖黐豆，毋須露肉已成功在眾女中突圍。問到柏文是否不喜歡女友打扮性感時？柏文笑謂：「咁性感做乜？隔籬已經有咁多人着得咁性感。（即係其他人可以性感，女友就唔得？）其他人唔關我事。（其他人幾靚都唔關你事？）我有個咁好嘅喺隔籬，其他人當然唔關我事。」
不過他不介意女友性感工作，和給男士眼甘甘實女友，至於會否情侶檔工作，他表示只要觀眾受落亦無問題。現場所見Jeana右手中指戴上戒指，Jeana否認是求婚戒指：「係我第一次做嘢賺到錢買畀自己嘅。」柏文坦白承認有送戒指給Jeana，但並非婚戒，只是普通禮物，沒有特別意思。
張暖雅自爆被騙色
另外，Mia自爆剛甩拖兩星期，問到分手原因？她坦言圈外人男友嫌她衣着性感，太多緋聞，並謂下次會揀圈中人做男友。至於張暖雅透露日前是其28歲生日，問她不介意公開年齡？她大方說：「我好鍾意依家呢個年紀，有啲經歷，以前好蠢，成日畀人呃，無論係財定係色，所有可以呃嘅都畀人呃過，不過我依家好開心。」
文：名人組