曹永廉盲舂舂直撞車龍

藝人曹永廉前晚於微博上載了一張車頭損毀的正面相，並寫道：「唉……下次我會小心。」他昨日接受本報電話訪問時講述事件經過，他表示前晚大約11時獨自駕車回家途中出事，他說：「我一直往沙田方向行，之前都一路暢通，不過當我駛到去獅子山隧道嘅自動繳費處時，一時唔留神睇唔到前面有一大條車龍，車頭撞咗落人哋車尾。」他又表示有立即下車向該名車主道歉：「佢好客氣，之後我哋都有報警，將件事備案。」

預算3萬修理費

他又透露對方駕駛的是歐洲車，自己的是日本車，所以對方的車沒有大損傷，反而自己的車就車頭盡毀，他說：「雖然人哋車尾頂得住但都要賠錢整，我會將自己嘅保險賠償畀佢，而我嗰架就要自己攞2至3萬出嚟整。」為此，他亦大呻十分肉赤，不過他亦表示幸運：「當破財擋災囉，好彩雙方都冇受傷，最緊要個人冇事。」

他昨晚亦上載多一張他的車毀相在微博，並幽默寫道：「謝謝大家兄弟姊姊，各方朋友，我人沒事，只是架車左眼盲了、頭部毀容、頭骨移位、銀包重傷，和給我撞的車也傷，真的對不起對方車主。」

文：影視組