陳豪嗒得杯落 麥包頂唔順
陳豪、黎耀祥兩大視帝為新劇拍節目巡禮，不忘將近期熱爆的《江南Style》二次創作，與一眾性感小花上遊艇大跳「騎馬舞」，面對拋胸蔡慧欣及騷長腿劉俐，陳豪飲得杯落，但麥包卻無福消受。
熱爆全球的韓國歌手Psy，一首《江南Style》搞到人人爭跳「騎馬舞」，連導演錢國偉都在鄭伊健和古巨基拉攏下拍下港版《Hong Kong Style》，卡士強勁加演出爆笑，迅即成網絡熱話。前晚十時多，集兩大視帝陳豪和黎耀祥的新劇《傳愛事務所》，於中環拍攝節目巡禮，竟然亦食正熱潮，安排一眾性感小花齊齊上遊艇跳「騎馬舞」贈興。
拋胸上船
西裝骨骨到場的陳豪與麥長青（麥包）未埋位前齊齊於碼頭邊飲咖啡傾偈，未幾，穿低胸裙露半球的蔡慧欣，聯同吊帶裙上陣騷長腿的劉俐、小花劉蔚萱及胡中慧等亦抵達碼頭，先後登上停泊在岸邊的遊艇。其後換上浴袍兼戴黑超的麥包坐在遊艇中央，拍攝正式開始，各小花對着兩人大跳性感《江南Style》，畀女圍的陳豪扮豪飲，至於麥包則突然反眼扮心臟病發，相當爆笑！
雖然美女當前，麥包似乎不多受落，拍攝期間頻頻返上岸，赤腳行嚟行去的麥包，一臉倦容地說：「我唔夠瞓，好暈船浪，頂唔住！」其後另一視帝黎耀祥來到，見麥包的模樣上前安慰麥包幾句，即上船加入拍攝。此外，鄧紫棋（G.E.M.）昨日在微博上載她與一班粉絲大擺騎馬舞甫士的合照並說：「Gangnam Style！哈哈，好愛我的fans，都會陪我瘋。」JJ亦在微博上載與巨聲歌手吳業坤穿上古裝大跳騎馬舞片段，十分搞鬼。
文、攝：追蹤組