林峯贏人氣開齋 子珊捨身撼杏兒

無綫每年舉行的台慶頒獎禮向來引來全城熱話，雖然提名名單尚未揭曉，但大部分劇集已見街，人氣高低呼之欲出，據知視帝視后五強亦已有人選，包括《雷霆掃毒》林峯與徐子珊、《怒火街頭2》鄭嘉穎與胡杏兒、《護花危情》黃宗澤與鍾嘉欣、《On Call 36小時》馬國明與楊怡，台慶劇《大太監》雖未播出，但帝后級人馬黎耀祥與米雪仍被睇高一線。

楊怡喊戲搶灘

演慣姣精的子珊在《雷》劇中「更上一層樓」，做踩界線人之餘更要被強姦，豁出去的演出非常吸睛；杏兒演出去年大收的《怒》劇續集駕輕就熟，但略欠新鮮感；鍾嘉欣及楊怡則繼續靠喊戲搶灘。

徐子珊演出有突破，與「視后」寶座愈行愈近。	鄭嘉穎與胡杏兒去年大豐收，今年未知能否保持佳績？	楊怡喊得，深得師奶歡心。

視帝方面，Chok王林峯多年來與獎項擦身而過，最近演出Happy Sir一角張弛有度，加上由全民票選獎項，親生仔有望開齋，力阻黎耀祥及鄭嘉穎三度封帝！

馬國明演技持續進步，封帝指日可待。	黎耀祥與米雪公認好戲，要過二人一關殊不容易。	黃宗澤與鍾嘉欣在《護花危情》的演出贏得不少好評。

昨日子珊與謝天華拍攝新劇《神槍狙擊2013》巡禮，其後趕往宣傳《雷》劇，認真忙碌！

古明華爭配角

子珊在宣傳活動上笑言角色甚受歡迎，令她信心大增：「髮型師話有客人想剪我個髮型！（當年阿姐汪明荃都試過！）唔可以相提並論，都有啲無形壓力！」她又透露在《神》劇中第七次演警員，今次是女飛虎狙擊手，體力要求相當高：「驚頂唔順，拍一陣已經妝都溶晒，我都同監製講，希望有啲特別嘢。」

此外，男女配角獎同樣競爭激烈，暫時大熱要數綠葉王古明華、黃智賢、敖嘉年以及張國強；至於女配角熱門則是胡定欣、陳茵媺、黃智雯及江美儀。

文：影視組