鄧達智：佢鍾意追求愛情

鄧達智：發生喺Flora身上並不奇怪，佢都未及伊利沙伯泰萊，人哋有7次（正確8次），佢先得4次！佢係個鍾意追求愛情比穩定婚姻多嘅人，亦係一個有energy（能量）嘅人，所以希望佢partner同樣有energy。羅素去北京做嘢時，都係Flora幫佢建立人際網絡，唔好講話係分手原因，呢個社會男扶持女好正常，倒轉女幫男可能對方會唔舒服，呢個明顯見得到嘅情況。佢第三次結婚時，因為我出門太匆忙唔記得帶禮物，仲諗住等下次見到佢時畀，未嚟得及就離咗婚。

琦琦：佢係一個鍾意工作嘅時代女性，佢好勇敢，向前看。呢個係佢嘅選擇，知道自己要咩，佢作出呢個選擇，對佢嚟講一定係最好。佢對每一段感情都好投入、好認真、好熱情，佢哋都一齊咁多年，都覺得可惜，點都好佢開心就得。

鄧達智

陳碧舸

陳碧舸：我知道，只要佢開心就好。我哋一直都有聯絡，但我唔想作出任何回應，因為我都唔了解佢哋嘅事情。佢係我老師，佢開心就好了。