Rosemary處女劇爭艾美獎
Rosemary昨日出席apm Hallo魔幻理髮店迎萬聖節活動，她表示小時候很喜歡在這個節日扮鬼扮馬四出問人拿糖果，她幾乎每年都是扮女巫，她說：「我今年會喺紐約過萬聖節，係我第一次喺當地慶祝，好期待。」
她又透露她有份演出的外國電視劇入圍今屆的國際艾美獎，獲提名最佳劇集以及最佳男主角，令她非常開心，她希望到時可以出席頒獎禮。問到她可會因自己未獲提名而失望？她說：「當然唔會，係成team人嘅光榮，我哋有一隊好嘅team，套劇嘅concept係從未見過嘅，導演真係做得好好。呢套係我首套演出嘅電視劇，好開心。」