無綫小生陳豪與港姐陳茵媺愛得甜蜜，有指兩人明年到澳洲結婚，陳茵媺昨日返將軍澳電視城開工時否認婚訊：「慢慢嚟，每次大家都問，其實仲未係。（陳豪已求婚？）係作古仔，我仲好熱愛工作。（幾時嫁？）未定呀！各方面都覺得啱先再算。」問到是否視陳豪為結婚對象？她笑言享受拍拖。提到有指被陳豪禁止她性感及拍咀戲，陳茵媺說：「我着衫鍾意揀自己喜歡嘅衫，我都唔係少布Style。而且大家都係藝員，唔會畀對方無形壓力，如果佢拍咀戲，我咪唔睇囉。」
