王秀琳搵郭富城試菜
曾與郭富城傳緋聞的王秀琳（Mango）昨日在活動上被問到知否今天是城城女友熊黛林（Lynn）的生日，她即有點愕然地說：「唔知道。（同Lynn唔熟？）唔熟。（城城無介紹你識咩？你坐過城城車。）唔關事，離晒題。（同城城有無聯絡？）無，自己最近忙住做生意，嚟緊會開新店。（到時會唔會請城城同Lynn去撐場？）佢哋好貴，請唔起。」
再問到經營日本餐廳的Mango可會邀請兩人試菜，她說：「希望，如果佢哋得閒嘅話，我自己都有邀請啲朋友嚟。」她亦有祝Lynn生日快樂。而現在仍沒拍拖的她坦言有人追，但要觀察，寧缺莫濫。