張智霖扯火 叫PA過主
出名好好先生的張智霖（Chi Lam）昨日傍晚時分突然在自己微博內「開火」，留言斥責正在拍攝的無綫新劇《衝上雲霄II》的助導（PA）亂發通告，寫到氣上心頭時，更表示：「你們另謀高就吧……香港電視劇的沒落靠你們了！」其實自《衝》劇開拍以來，已不時傳出製作、拍攝混亂的消息，月前大隊於中環開工，另一男主角吳鎮宇亦不禁當眾罵人洩憤，今次竟連Chi Lam也忍不住出聲，可見事態嚴重。
記者致電該劇監製陳維冠了解事件，他表示：「我同Chi Lam通過電話，私底下已經同佢講咗唔好意思。其實今晚（即昨晚）係夜戲，大隊諗住早啲去打燈準備，個PA做咗幾個月缺乏經驗，就跟咗大隊嘅通告發畀Chi Lam，所以早咗幾粒鐘，佢都知道自己錯咗喺邊。（炒佢？）咁唔會，好似添哥（李添勝）話齋，最緊要唔好重複犯錯啫。」
靚靚隔空氹老公
記者亦有聯絡Chi Lam，他以「不願置評」回應，不過他隨後在微博再發文揶揄一番：「該說對不起的人是我，我罔顧了你們（PA）的水準了！」至於身在內地拍戲的袁詠儀（靚靚），得悉老公被激到火滾，也在微博留言力撐：「嘩！能把EQ超乎常人的張先生氣得這樣，你們（PA）真的要打屁股了……張先生勿動氣，勿傷身！」
文：影視組