Avis「女友」上身 孖Jeana開波
性感女神周秀娜（娜姐）近年轉戰內地，密密搵人仔，與男友陳偉成（Avis）聚少離多，更經常被指情變，但Avis昨日出席慈善籃球賽揭幕禮時，身穿寫上女友全名的波衫，力證情未變，肉麻到痺，更自言：「有兩個靈魂喺我身上，所以好強（指打籃球）！」
雖然獲男友公開示愛，但未知娜姐是否沒有男友在身邊而變hea，繼早前防走光膠紙移位驚現鴛鴦胸後，日前在內地出席活動時，身穿黃色短裙大騷美腿的娜姐，為怕走光而不斷拉裙邊，但動作粗魯似在抓大腿，而慘被網民恥笑動作不雅兼肉酸，認真陰功。
Jeana練瑜伽軟身
在港的Avis似乎未知其事，昨日繼續風騷與o靚模何佩瑜（Jeana）等出席慈善籃球活動，二人有份組成的「DJ聯盟」是唯一有女將的隊伍，對此Avis笑言：「我哋好有着數，啲女仔可以分散對手注意力，到時我仲會剪爛少少佢哋件衫，邊度勁剪邊度！（娜姐會到場打氣？）佢太忙啦！同埋佢喺度會分散咗我注意力！」同場的Jeana就指自己不懂打籃球，問到平時與男友張柏文會做甚麼運動，她搞笑謂：「溫室瑜伽啦！可以練吓柔軟度！」
文：影視組