阮兆祥惡搞Big Bang 水晶點綴
藝人阮兆祥、王祖藍及李思捷昨日為台慶節目《萬千升呢福祿壽》試造型，以韓國人氣組合Big Bang之「騎呢版」造型現身，祥仔半裸兼以水晶遮蓋「兩點」，最有諗頭。而祖藍駁髮扮G-Dragon，由於擁有「身高優勢」，他笑言非他莫屬。
福祿壽中的王祖藍剛成為「十大傑青」，好兄弟祥仔和思捷昨日活動開始，先拿出鮮花祝賀祖藍「升呢」做傑青。之後三人又「歸位」為台慶節目《萬千升呢福祿壽》以Big Bang形象示人，思捷一身藍裝扮T.O.P，祖藍以長長橙色頭髮扮G-Dragon，他笑言這角色非他莫屬：「你哋話邊個駁髮最易掂倒地下？」至於祥仔最為突出，坦露上身扮Tae Yang，並以水晶遮掩兩點，加上機械臂、紋身和「經人手加工過」的腹肌，可謂最有諗頭。
全民選「鄉姐」
福祿壽在合共4集的節目中，將扮演逾60個角色，並透露會舉行「鄉下小姐選舉」，祥仔表示：「我哋會有12個女仔參選，其中3個係我哋，到剩番最後3個時，就會由全民即時投票，即晚宣布結果，投票時間會超過半小時，估中冠軍嗰位會獨得超過十萬蚊獎金獎品同一架名貴房車。」而思捷得戚說：「今次仲唔畀我哋飲頭啖湯，早過視帝視后普選。」祥仔亦笑說：「希望啲稀（黑）客唔好再搵我哋啦。」
唔會玩同事
問到節目內容會否有楊怡、羅仲謙的「雲吞麵」事件，或者胡杏兒及黃宗澤分手等情節時，他們都異口同聲地說：「我哋唔會玩同事嘅，就算涉及都係會以一個撐嘅角度去講，點都會留後門，我哋係老少咸宜。」祥仔又透露自己會扮近期熱爆的韓星Psy，他說：「自從思捷漏口風話我會扮Psy，好多朋友都同我講想睇，之前連家燕姐都走埋嚟同我講我好似Psy。」
文：影視組