楊柳青轉型主持受盡白眼
模特兒Jessica C.師妹楊柳青（Wiyona）加入模界已6年，最近更殺入主持界，但她坦言轉型時受盡「白眼」：「我啱啱做主持，無乜人識我，可以話係半紅不黑嘅階段，受盡白眼真係唔係咁好受！人哋會誤會我做model都係靠外表搵食，但其實我係鍾意靠自己實力工作嘅人，如果我係想只靠外表，大可以搵個有錢佬嫁咗去！」
Wiyona愛靠實力更愛扮靚，最近她便有幸「寓工作於娛樂」，她說：「我好鍾意扮靚，最近我有份參與now電視台節目《女皇駕到》第二輯嘅主持工作，可以教人扮靚真係好開心！」離不開扮靚的Wiyona更開設衫店，當客人的形象指導：「我和朋友合資開設衫店，一有時間我就會落舖頭打點，仲會自己做買手入貨！」