林二汶買樓首期做唱片
歌手林二汶早前上ontv接受《娛樂on Show》訪問，向主持人周吉佩（吉吉）作真情剖白，大爆自己對同性有感覺，更坦言豪花相等於一層樓首期的價錢去製作唱片！
由二人女子樂隊組合at 17轉為「單飛」發展的歌手林二汶，日前接受ontv《娛樂on Show》深情專訪，她向主持人周吉佩（吉吉）自爆即使被外界評為靚聲，卻一直不滿意自己：「即使點花心機唱，我都係過唔到自己嗰關，因為我唔想人哋淨係讚我把聲靚，而係讚我唱得好！」對於早前是否豪花7位數字去製作唱片？對自己要求甚高的二汶坦言：「我係用相等於一層貴樓首期的價錢去製作唱片，都有6、7位數字！（點解唔索性買樓而做唱片？）我咁做係投資自己嘅事業！」
日花6粒鐘製作
到底為何製作一隻唱片竟可以這麼貴？二汶表示：「租studio嘅價錢每小時都好貴，而我哋係每日都花6個小時去製作，成個月足足花咗180個小時！大家依家聽到嘅版本係我哋前後總共改動咗二百幾次而成嘅！」除了與主持人大談音樂外，二汶更剖白自己的感情生活，大爆對同性動情：「我相信每個人喺感情上都經歷過對同性有感覺嘅時候！特別係女仔！」想知道二汶更多的真情剖白？她的感情生活？立刻click入ontv去片啦！
文：專案組