高海寧封胸從良相夫
「咪神」高海寧受到性感形象局限，令過往角色多是扮演「小三」，直到新劇終被監製李添勝「改造」，換上既善良、又討好的角色，高海寧終於洗底脫離「小三」行列，終歸能夠「坐正」。
「咪神」高海寧由於性感形象深入民心，故過往多被安排演情婦和第三者的角色，直到最近播出的《天梯》，她才獲監製李添勝睇中「改造」從良，飾演陳山聰的三姨太。由於劇中山聰的兩位夫人已不在，所以高海寧實情是「正印」，加上角色善良討好，實在一改觀眾印象。問高海寧「從良」有甚麼感受﹖她說：「其實作為演員做乜嘢角色都唔介意，反而最開心係啲fans話可以追我套劇，因為以前多數係客串，戲份唔多。」
高海寧在《天梯》可謂首次全身投入拍劇，戲份比過往客串多好多，她說：「之前客串多，今次正式入劇，準備工夫都要多好多，好似要深入考慮個角色，都好多謝陳豪和陳山聰幫我。」高海寧在劇中罕有「封胸」，換上婀娜多姿的旗袍亮相，問高海寧可要節食保持苗條，她笑說：「冇，反而愈拍愈肥，因為拍得開心，又不停食消夜，後期套旗袍變得愈來愈窄。」
做足準備 避免出錯
最近無綫發生導演張永豪疑虐待演員劉蔚萱事件，高海寧則慶幸幸運得多，入行以來也多人錫，她說：「每次拍劇自己都會做足準備，除咗劇本要熟、戲服都會跟足連戲，希望唔好出錯。戲裏面有場戲要調戲黃德斌，但係自己太緊張，做極都做唔到，導演同德斌都鼓勵我，好感激佢哋。」
文：影視組
攝：攝影組
服裝：A｜X
場地：HABITU（銅鑼灣）
化妝：Christy Lam
髮型：Match Tong@HAiR