郭翠華讚Gaile有氣質
本地時裝設計師郭翠華（Ranee）昨日於會展舉行2013年秋冬時裝騷，她表示全新系列是結集多年來的idea再加上新感覺設計而成；而她的三歲半囝囝亦有到場，她謂不會因為工作忙而忽略照顧小朋友，只要識分配時間就沒問題：「我放工就湊佢，會同佢一齊去玩。（追多個？）生得出就生，隨緣，睇上天，自己都ready，囝囝都想要個細佬妹。」
曾與樂基兒（Gaile）合作的Ranee表示沒有留意黎明與樂基兒分手的報道，她說：「我同Gaile冇聯絡，我覺得緣分嚟嘅，緣分好微妙。（覺得Gaile點？）佢好sweet。（想唔想再同佢一齊合作？）梗係好啦，佢係我好鍾意嘅model，佢個樣好特別，好有氣質。」