Jeana色誘他人男友嗌開心

今年主攻影圈及打碟市場的Jeana，雖為事業搏殺搵真銀，但仍不忘與張栢芝細佬張柏文打得火熱，兩人經常連體嬰出巡。早前她拍攝新片《一路向西》時，柏文亦親自監場。她笑說︰「係探班，個導演佢都識，我拍嘅鏡頭佢都睇過晒。」Jeana於新片色誘男主角兼有親熱戲，笑言男友見到她跟別人親熱感到開心︰「佢喺隔籬望住，但佢覺得開心，因為我投入咗角色，當睇佢唔到。」

拒絕被包

Jeana於戲中被男士包養唔使做，現實卻相反，即使有想過被男友養的念頭，但她直言不習慣過少奶奶生活︰「有邊個女仔唔想？但我唔會停喺度唔做嘢，我依家先23歲，我鍾意挑戰唔同嘅嘢，如果叫我日日行街high tea會覺得好悶。」

柏文被女友讚有上進心。（資料圖片）

Jeana揚言不靠男人，憑自己努力搵錢。

事業心重的Jeana，希望另一半亦要追求事業，絕不希望女主外男主內。她更借機為男友柏文平反︰「佢唔係圈中人嚟，所以大家唔知道佢做緊乜。其實最緊要係大家開心，而且我個人比較天真，佢不停教到我嘢。」問有否試過被柏文欺騙？她想了想說︰「如果佢有呃過我，我就唔知，知就唔係叫做呃啦，大家相處係信任。」

文︰專案組

攝︰司徒國榮

服裝︰IPOSH

場地︰大力棒棒麻辣雞煲