鍾嘉欣自薦合唱 吳尊托手(月爭)

吳尊與鍾嘉欣（Linda）昨日一同出席時裝品牌Marc by Marc Jacobs銅鑼灣時代廣場新店開幕活動，經常被指二人樣貌長得相似，終於有幸在活動上會面。

返台慶33歲牛一

活動未開始，門外已堆滿粉絲等候，舉「Linda」牌的粉絲反而比吳尊的多，鍾嘉欣謙虛表示：「可能未到，佢今日先落機。」與吳尊會面，她坦言感到緊張又興奮，以「心跳得噗噗聲」來形容，並指自己的鼻、下巴及細細的嘴巴最似，坦言一定要與對方自拍。她還笑言：「我懷疑係失散多年嘅大佬，等我問吓屋企人先！」她希望與吳尊組合唱歌，或演兄妹角色。

吳尊下周牛一，大會送上生日蛋糕為他賀壽。

嘉欣抵新店時，門外已堆滿粉絲等候。

只留港一天的吳尊，今天便返台灣。他於下周三（10日）度33歲生日，大會特意送上生日蛋糕預賀牛一。談及與鍾嘉欣長得相似，吳尊說：「有少少似，（邊度似？）唔知，感覺。之前同林峯拍戲時，佢都話似，連鄭伊健都有講過！」他表示很久以前已聽過與嘉欣似樣，但謂從未見過面，記者笑言是失散多年的兄妹，他回應：「有少少特別感覺，（嘉欣話想同你組合唱歌？）要等耐啲先，依家忙緊拍戲，如果戲中主題曲都可以合唱！」另外，他透露返台灣與粉絲舉行生日派對，問到生日願望，他說：「沒甚麼，希望開開心心過日子，還有現在有很多災難，希望世界和平！」問有否想拍拖？他幽默說：「Er……拍戲呀！」

鍾母來港見家長

此外，嘉欣前晚為《勁歌金曲》錄影，據知鍾媽媽最近回港探望女兒，問到有否帶男友伍允龍見家長，嘉欣立即否認：「媽咪呢排好忙，又要幫我報稅，又要煲湯畀我，都無乜點出街。」其後再問母親對男友評價，她即說：「冇意見，我唔答感情嘢。」

文：名人組