陳奕迅夫妻之道：要空間

Eason前晚出席代言的運動服品牌音樂會，對黎明跟樂基兒宣布分手，他說：「吓，唔知，（傳咗好耐啦！）我冇留意。」問到夫妻相處之道，他說：「我分享唔到啲乜，我哋有小朋友先結婚，冇乜兩個人嘅時間，始終兩個陌生人走埋一齊變親人，唔好話做夫妻，做朋友都要互相畀空間，我唔係講黎生，係講所有人相處，（有小朋友易維繫？）都係嘅，多啲一齊諗關於小朋友嘅嘢。」

阿徐經常被指大使，又愛與仔夜蒲，Eason力挺愛妻說：「冇嘢呀，佢哋咪寫囉，使極都有，吹咩。」Eason更自爆身邊都有女，他說；「我夠有啲女一齊囉，佢哋冇影，更何況佢啲仔我都識，來來去去嗰幾個。」

阿徐細心問候婆婆後，繼續拖着女兒登車回家。

彭羚亦親自接女兒放學。

柏豪帶病上陣

昨日是Eason寶貝女康堤8歲生日，阿徐早就準備好為康堤搞生日會，Eason手指天空說：「阿徐飛緊返嚟，佢吩咐我做啲嘢，其實幫唔到好多。」Eason從未送女兒生日禮物，因為他要待康堤18歲送她一份大禮。前晚音樂會上Eason跟女舞蹈員大跳辣身舞，臨尾更翻觔斗展身手。

阿徐（左）曾與彭羚交談一會。

帶病上陣的周柏豪堅持唱Live。

同場任表演嘉賓的歌手周柏豪帶病上陣，他無奈地說：「發燒病咗幾日，醫生話我氣管敏感，不過我會堅持唱Live。」至於因失言而被亞視封殺的藝人董敏莉就回應：「我唔係話零收視，只係話冇啫！（會否道歉？）如果節目因為我而唔播，我要向拍檔道歉就真！」

為女搞生日會

阿徐昨日由巴黎落機，下午即頻撲到學校接康堤放學，期間遇上同樣接女兒放學的彭羚，兩人交談了一會兒，之後就拖住愛女離開，問到怎樣為女兒慶祝生日？行色匆匆的她說：「冇慶祝。」期間見到記者追訪，險些撞倒路過婆婆，她即細心問候，兩人登車後直奔寓所，傳媒聚集寓所樓下守候，期間有警員到場。據知夫婦兩人在家中為女兒開生日會慶祝。

文：音樂組、攝：追蹤組