姜大偉：真係好可惜

霍汶希：「好驚訝！我同惠英紅兩姐妹好熟，佢細妹仲係我同事，好想第一時間打去慰問，但唔夠膽，怕呢一刻佢好傷心，會問佢哋有冇嘢要幫手？會畀佢哋放假，等佢哋處理阿哥嘅身後事。」

姜大偉：不斷搖頭嘆氣：「好愕然！好可惜！我同佢合作過，當年我做導演，小四做我武術指導，所以都好熟，不過近年我哋冇聯絡，（佢返大陸？）我都唔知，不過佢咁後生，真係好可惜！」

戚美珍：講到口震震眼濕濕：「我哋識咗好耐，三哥（苗僑偉）同小四都好熟，以前佢哋成日踢波，不過近十年都冇聯絡，（慰問小紅？）等我通知咗三哥先，佢未知o架！」

陶大宇：「好愕然！我讀訓練班時候佢已經係我哋嘅大師兄，但大家冇再聯絡，不過我就同小紅好熟，希望佢身邊嘅人幫小四哥辦理好身後事。」

莫少聰：「剛剛收到一個很難過的消息，惠英紅的哥哥惠天賜（四哥）逝世的消息，曾經跟四哥合作過好幾部電影，這個消息太突然了。紅姐節哀，四哥一路好走，永遠懷念你！」

李珊珊：「楚留香的中原一點紅……先生一路走好。」

錢嘉樂：「一路好走！小四哥！」